Ճապոնուհիների մաշկի խնամքի գաղտնիքը. 168.am

Ճապոնացիներն ամենաերկարակյաց ազգն են համարվում: Ճիշտ է, ժառանգականությունը մեծ դեր ունի, սակայն չենք կարող չընդունել, որ ճապոնուհիները գիտեն, թե ինչպես է պետք հոգ տանել դեմքի մաշկի և ամբողջ մարմնի, օրգանիզմի մասին:

Հետևելով ճապոնուհիների օրինակին՝ պետք է սննդակարգում ներառել միայն բնական բաղադրիչներ, որոնցից մեկը բրինձն է:

Հեյշաները, օրինակ, մազերն ու գլխամաշկը փափկեցնելու համար օգտագործում էին բրնձի թեփը:

Մարմարյա դեմք ունենալու համար ճապոնուհիները ձեռքի տակ միշտ բրնձի ալյուրով պարկիկ էին պահում: Այն գցում էին տաք ջրի մեջ, ապա կախում փոքրիկ որևէ ափսեի վրա, որպեսզի բրնձի ջուրը լցվի այդ տարայի մեջ: Երբ ամբողջ ջուրը լցվում էր ափսեի մեջ, նրանք լվացվում էին այդ ջրով:

Բրինձը, ինչպես հայտնի է, սնուցում է մաշկը, պաշտպանում է այն արևի ուլտրամանուշակագույն ճառագայթներից և կանխարգելում է անժամանակ կնճիռների առաջացումը: Ձեզ ենք ներկայացնում բրնձի ալյուրից պատրաստված բնական դիմակ, որը կերիտասարդացնի մաշկը:

Բաղադրություն.

• 3 ճ/գ բրնձի ալյուր,
• 2 թ/գ մեղր,
• 1 թ/գ սերուցք:

Բոլոր բաղադրիչները խառնեք, որպեսզի համասեռ զանգված ստանաք: Դիմակը քսեք դեմքի, պարանոցի մաշկին, թողեք 30 րոպե, ապա լվացվեք ջրով: Խորհուրդ է տրվում հանքային ջուր օգտագործել:

Նմանատիպ դիմակ խորհուրդ է տրվում օգտագործել շաբաթը մեկ անգամ: Միջոցառումը հարմար է մաշկի բոլոր տեսակների համար:

Հարցեր, պատասխաններ, մեկնաբանություններ